हामी सबैको स्वास्थ्यमा मौखिक स्वास्थ्य (Oral Health) ले अत्यन्त महत्वपूर्ण भूमिका खेल्दछ। स्वस्थ दाँत र मसूडा हाम्रो आत्मविश्वास, खाना चपाउने क्षमता, अनुहारको आकर्षण र सम्पूर्ण स्वास्थ्यसँग प्रत्यक्ष रूपमा जोडिएको हुन्छ। त्यसैले, दाँतको नियमित जाँच, उचित सरसफाइ र सचेत जीवनशैली अपनाउनु सबैका लागि अनिवार्य छ।

दैनिक दुई पटक दन्तमञ्जन गर्ने, मीठाइजन्य पदार्थको बढी प्रयोग नगर्ने, धूम्रपान तथा मदिराजस्ता हानिकारक पदार्थबाट टाढा रहने, र प्रत्येक 6 महिनामा डेन्टल चेक–अप गराउने बानीले धेरैजसो दन्तसमस्या समयमै रोकथाम गर्न सकिन्छ।

हाम्रो डेन्टल सेवा केन्द्रले विद्यार्थी तथा समुदायका सदस्यहरूको मौखिक स्वास्थ्य सुधारका लागि निरन्तर सेवा प्रवाह गर्दै आएको छ। आधुनिक प्रविधि, सुरक्षित उपचार र अनुभवी टोलीसहित हामी तपाईंको दाँत तथा मुख–स्वास्थ्यलाई दीगो रूपमा स्वस्थ राख्न प्रतिबद्ध छौँ।

हामीलाई विश्वास छ—
स्वस्थ दाँत, स्वस्थ मुस्कान; स्वस्थ मुस्कान, खुसी जीवन।

 

दाँत, मुख, गिजा सम्बन्धी सम्पूर्ण उपचारको लागि हामीकहाँ आउनु होस्, दुक्क भएर उपचार गराएर जानुहोस् ।

कहाँ जाने भनेर सोचेर अल्लमल्लमा पर्नु भएको छ ? सोच्नै पर्दैन अब

• दाँत, मुख, गिजा सम्बन्धी सम्पूर्ण उपचारको लागि हामीकहाँ आउनु होस्, दुक्क भएर उपचार गराएर जानुहोस् ।

• दाँत निकाले पछि ध्यान दिनुपर्ने कुराहरू

• दाँत निकालेको कमसेकम एक घण्टा सम्म गज प्याग (दाँत फालेपछि टोकाएको औषधी लगाएको सफा कपडा) लगाएको टोकी राख्ने पछि सफा औलाले झिकेर फालिदिने
• दुई घण्टासम्म नखाने
• दांत निकालेको ठाउँमा जिब्रो, औला, सिन्काले नचलाउने
• २४ घण्टासम्म नथुक्ने, कुल्ला नगर्ने
• २४ घण्टासम्म तातो, सारो पिरो नखाने
• पेय पदार्थ पिउदा पाईपले नतान्ने, गिलासमा राखेर खाने
• २४ घण्टापछि मनतातो पानीमा नुन हालेर दिनको २-३ पटक हप्ता दिन सम्म कुल्ला गर्ने
• २४ घण्टासम्म थुकमा केही मात्रामा रगत देखा परेमा नआत्तिने २४ घण्टापछि पनि रगत बगिरहेमा दन्त चिकित्सक वा दन्त स्वास्थ्यकर्मीसँग सम्पर्क राख्नुपर्छ
• दन्त चिकित्सक वा दन्त स्वास्थ्यकर्मीको सल्लाह अनुसार नियमित औषधी सेवन गर्ने
• डाक्टरले लेखेको औषधी खाँदा एलेर्जी भएमा, शरीरमा राता डाबर आउनु, सास फेर्न गाहो हुनु, पसिना आउनु, मुटुको घड्कन बढ्नु) डाक्टरले दिएको औषधी थप अरु नखाने र तुरुन्त नजिकको डाक्टरलाई सम्पर्क राख्नुपर्छ
• दाँत निकालेपछि चुरोट, खैनी जस्ता हानिकारक पदार्थ सेवन नगर्ने.
• घाउलाई टाका लगाईएको ( सिलाईएको) भए एक हप्तापछि सम्पर्क राख्ने

विद्यालय व्यवस्थापन समिति
शिक्षक/कर्मचारी विवरण
	ड़ा. निर्माण बहादुर शाह सर्जन डाक्टर 9800000000